«Փաշինյանի ժողովրդավարությունն այս տեսքն ունի»,- լրագրողների հետ զրույցում անդրադառնալով այսօր վաղ առավոտից «Իմնեմնիմիի» հաղորդավարներին ԱԱԾ-ի դիմակավորված անձանց կողմից ձերբակալելուն՝ ասաց ԱԺ «Պատիվ ունեմ» խմբակցության ղեկավար Հայկ Մամիջանյանը:
Նրա խոսքով՝ ՀՀ 3-րդ նախագահ Սերժ Սարգսյանի՝ «Իմնեմնիմիին» տված հարցազրույցից հետո Նիկոլ Փաշինյանի «հիստերիան» ու նրա թիմակիցների արձագանքը արդեն հուշում էր, որ պետք է փորձեն ուժայիններին օգտագործելով՝ տղաների գործունեությունը կասեցնել. «Սովորաբար նման դեպքերում գտնում են ինչ-որ հ/կ, որ հաղորդում ներկայացնի, այս անգամ չեն էլ թաքցնում՝ Ալեն Սիմոնյանն է հաղորդում ներկայացնում: Հաջորդ փուլը տղաներին բերման ենթարկելն էր , ակնհայտ է, որ տղաները որեւէ դիմադրություն չեն ցույց տալիս, բայց նրանց ձեռքերը ոլորած, գլուխները ներքեւ իջեցրած, ուժի կիրառմամբ բերման են ենթարկում»:
Հայկ Մամիջանյանի խոսքով, ի տարբերություն նախորդ անգամին, երբ տղաներին կրկին խուլիգանության հոդվածով ձերբակալեցին, հաղորդումն անխափան հեռարձակվում էր, այս անգամ առգրավվում են ամբողջ տեխնիկան՝ այդ կերպ ուղղելով իրենց սխալը, որ կասեցվի հաղորդման գործունեությունը:
Կարդացեք նաև
Արփինե ՍԻՄՈՆՅԱՆ
