Եվրոպայի խորհրդի խորհրդարանական վեհաժողովի քարտուղարության ընտրությունների ծրագրի համակարգող Ֆրանկ Դաեշլերը և ընտրական փորձագետ (ԵԱՀԿ-ԺՀՄԻԳ նախկին ընտրական խորհրդատու) Վլադիմիր Միսեւը նոյեմբերի 20-ին հյուրընկալվել են ՀՀ կենտրոնական ընտրական հանձնաժողովում։
Հյուրերը հետաքրքրվել են առաջիկա խորհրդարանական ընտրություններին ԿԸՀ-ի կողմից իրականացվող աշխատանքների մասին և քննարկել ԿԸՀ-ի հետ հետագա հնարավոր համագործակցությունը՝ առավել երկարաժամակետ ձևաչափով։
ԿԸՀ նախագահ Վահագն Հովակիմյանը ողջունել է հյուրերին և հայտնել իր պատրաստակամությունը՝ նոր ծրագրերի իրականացման համար։ Հանդիպմանը մասնակցել են նաև ԿԸՀ անդամները։
Առանձին հանդիպում է եղել նաև ԿԸՀ տեղեկատվական տեխնոլոգիաների ու տեղեկատվության վերլուծության, Իրավաբանական վարչությունների պետերի և ԿԸՀ վերահսկիչ-վերստուգիչ ծառայության ղեկավարի հետ։
Կարդացեք նաև
ՀՀ կենտրոնական ընտրական հանձնաժողով


















































