«Նիկոլ Փաշինյանը քաղբանտարկյալ չէր։ Նիկոլ Փաշինյանը մարդ էր, ով կոչ էր անում բռնի գործողություններ անել»,-խորհրդարանում լրագրողների հետ զրույցում ասաց ՀՀԿ փոխնախագահ Արմեն Աշոտյանը՝ պատասխանելով հարցին՝ 2008 թվականի «Մարտի 1»-ի իրադարձություններից հետո Հայաստանում քաղբանտարկյալների առկայության մասին հարցին։
Արմեն Աշոտյանն ասաց՝ ՀՀ-ում բոլոր իշխանությունների ժամանակ էլ եղել են մարդիկ, որոնց կալանավորումները ընկալվել են քաղաքական ենթատեքստով։ Ինչեւէ, ըստ նրա, այն ամենն, ինչ եղել է Հայաստանում մինչեւ 2018 թվականը, պարզապես զրո է նրա դիմաց, թե ի՞նչ է այժմ կատարվում մեր երկրում։
«2018-ին մենք իշխանազրկվեցինք, պրծավ՝ մեր առկա եւ բացակա թերություններով, իրական եւ վերագրվելիք։ Երկիրը քանդվում է հիմա եւ այսօր»,- ասաց Արմեն Աշոտյանը։
Արմեն Աշոտյանը տարակուսեց, որ միջազգային կառույցների զեկույցներում Հայաստանում մարդու իրավունքների մասին ոչինչ չկա, Ադրբեջանում գտնվող հայ գերիների մասին ոչինչ չկա, Ադրբեջան բառը չկա, որպես երկիր՝ «ԵԱՀԿ տարածքում մարդու իրավունքների մաման լացացնող»․ դա մեզ պետք է անհանգստացնի։
Կարդացեք նաև
Ըստ Արմեն Աշոտյանի, այս հարցերը արագ լուծվող են, եթե հանրությունը, այդ թվում նաեւ Սփյուռքում, ակտիվ լինի՝ թե միջազգային կառույցների, թե այդ երկրներում ՀՀ ներկայացուցչությունների մոտ ցույցեր անելով եւ պահանջներ դնելով։
Կալանքից ազատվելիս Արմեն Աշոտյանն առաջարկել էր հարթակ ստեղծել՝ ի պաշտպանություն քաղբանտարկյալների։ Այդ ժամանակ իր առաջարկին արձագանքել էր միայն ՀՀ նախկին ԱԳ նախարար Վարդան Օսկանյանը։ Այսօր Արմեն Աշոտյանը երախտապարտ է նաեւ Իշխան Սաղաթելյանին՝ նաեւ այդ հարթակին վերաբերվող առաջարկի համար։
Մանրամասները՝ տեսանյութում
Նելլի ԳՐԻԳՈՐՅԱՆ
