Գյումրու քաղաքապետ Վարդան Ղուկասյանի շահերի պաշտպան Զարուհի Փոստանջյանը, որը ուղիղ եթերով դժգոհում էր, որ ԱԱԾ մեկուսարանում հնարավորություն չեն ստեղծում իր վստահորդին տեսակցելու, հայտնեց՝ տեղեկություն է ստացել այն մասին, որ քրեակատարողական հիմնարկների բժշկական գծով պատասխանատու Կամո Մանուկյանը կեղծել է տեղեկությունը Վարդան Ղուկասյանի առողջական վիճակի մասին։
Նա, ըստ Զարուհի Փոստանջյանի, տեղեկություն է տրամադրել, որ Վարդան Ղուկասյանն ունի շաքարային դիաբետ, բայց թեթև է, մինչդեռ իր վստահորդի առողջական վիճակը մտահոգիչ է։
Կամո Մանուկյանը, ըստ փաստաբանի, քրեակատարողական հիմնարկ է բերել երկու բժիշկների, որոնք կեղծ տվյալներ են տրամադրել՝ արգելելով Վարդան Ղուկասյանի անձնական բժիշկների կողմից բուժօգնություն ստանալը։
Նա անդրադարձավ նաև խցում առկա պայմաններին, որտեղ պահվում է Վարդան Ղուկասյանը։
Կարդացեք նաև
Նունե ԱՐԵՎՇԱՏՅԱՆ
