Հոկտեմբերի 31-ին «ՀայաՔվե» քաղաքացիական-հասարակական միավորումը հանցագործության մասին հաղորդում էր ներկայացել Գլխավոր դատախազություն՝ Հովհաննավանքում Նիկոլ Փաշինյանի մասնակցությամբ ծես կազմակերպելու, ինչպես նաև իրավապահների անմիջական մասնակցությամբ և խոչընդոտող խմբերի ներգրավմամբ Հովհաննավանքը բռնազավթելու, տեղում ծառայության նշանակված քահանաների հոգևոր ծառայությունը խաթարելու և, ընդհանրապես, Հայաստանյաց առաքելական սուրբ եկեղեցու գործունեությունը խոչընդոտելու վերաբերյալ։
Ըստ միավորման ներկայացուցիչների, տեղի ունեցածն առերևույթ համապատասխանում է ՀՀ Քրեական օրենսգրքի 209 և 441 հոդվածներում նկարագրված հանցավոր արարքներին։
«Փաստ» թերթը դիմել է գլխավոր դատախազություն՝ խնդրելով տեղեկացնել, թե ինչ ընթացք է ստացել հաղորդումը: Ստացված պատասխանում նշվում է, որ «ՀՀ հակակոռուպցիոն կոմիտեում քրեական վարույթ չնախաձեռնելու որոշում է կայացվել, որը հաստատվել է դատախազի կողմից»:
Հոդվածն ամբողջությամբ՝ «Փաստ» օրաթերթի այսօրվա համարում
