«Այս ձերբակալությունները եւ օրվա կառավարչի կառավարման ընթացքը միանշանակ կանխատեսելի են: Եվ այդ ընթացքի մեջ բոլոր ազգային ուժերին փորձում են ապամոնտաժել: Իսկ ազգային ուժերի գաղափարական հենասյունը Հայ Առաքելական եկեղեցին է »,-լրագրողների հետ զրույցում ասաց ՀՀԿ երիտասարդական կազմակերպության ղեկավար Հենրիխ Դանիելյանը՝ անդրադառնալով սրբազանների կալանավորմանն ու եկեղեցու դեմ իշխանությունների արշավին: Նրա ձեւակերպմամբ, դատաիրավական համակարգն իշխանություններն օգտագործում են որպես մահակ, ու այդ մահակը թափ են տալիս ընդդիմադիրների գլխին:
44-օրյա պատերազմում անմահացած Մխիթար Գալեյանի մայրը՝ Աստղ Գալեյանը, խոսելով Արշակ Սրբազանին երկու ամսով կալանավորելու դատարանի որոշման ու դատավոր Մասիս Մելքոնյանի (լուսանկարում) մասին՝ նշեց. «Արդեն 4-րդ հոգեւորականի նկատմամբ նույն դատավորն է կալանքի որոշում ընդունում: Ընդդիմադիր դաշտում եւս շատ են նրա կալանքները : Նրանցից մեկն էլ իմ ամուսինն է, որն այժմ կալանքի տակ է: Շատ վատ իրավիճակ է մեր երկրում»:
Նրա ձեւակերպմամբ, մարդիկ վախեցած են, դրա համար էլ չեն բարձրաձայնում իշխանությունների անօրինությունների մասին. «Տեղի, անտեղի գործեր են կարվում մարդկանց վրա: Այս գործը եւս անիրատեսական է: Ստացվում է՝ այդպիսի գործ կար, ու սպասել են 7 տարի եւ նոր վերաբացել: Մարդիկ վախենում են, բայց էլ վախենալու բան չկա, շատ-շատ բաներ ենք կորցրել, արդեն հարցը Հայաստանի Հանրապետությանն է վերաբերվում…Թուրքը պետք է գա, հասնի քաղաքի կենտրո՞ն, որ հասկանան՝ օրհասական վիճակ է»:
Կարդացեք նաև
Տեսանյութն՝ ամբողջությամբ
Գոհար ՀԱԿՈԲՅԱՆ
