Ռուբեն Վարդանյանի կինը՝ Noôdome համայնքի համահիմնադիր, UWC Dilijan քոլեջի համահիմնադիր եւ հոգաբարձուների խորհրդի նախագահ Վերոնիկա Զոնաբենդը հաղթող է ճանաչվել 2025 թվականի «Forbes-ի հերոսներ» մրցանակի «Միավորող» անվանակարգում:
Ըստ Forbes-ի՝ այս անվանակարգը նախատեսված է նախաձեռնող և ոչ անտարբեր ձեռներեցների համար:
Պարբերականը նշում է, որ 2020 թվականին հայտնի ձեռներեց Ռուբեն Վարդանյանը եւ նրա կինը՝ Վերոնիկա Զոնաբենդը, հիմնադրել են Noôdome համայնքը, որը միավորում է ձեռներեցների, գիտնականների ու մարդասերների: «Noôdome-ը իրեն անվանում է «առաջադիմական գաղափարների, մարդկանց և նախագծերի ինտեգրատոր» և հիմնական շեշտը դնում է փոխգործակցության վրա»,-գրում է պարբերականը:
Forbes-ը նաև նշում է, որ Ռուբեն Վարդանյանը 2023 թվականի աշնանից կալանքի տակ է պահվում Ադրբեջանում, իսկ Վերոնիկա Զոնաբենդը շարունակում է զբաղվել նրանց համատեղ նախագծերով:
