Սամվել դպիր Գրիգորյանի ֆեյսբուքյան գրառումը
Բոլոր Տիրադավներին
Վեհափառ Հայրապետի անունը չհիշատակելը մի պարզ վարչական խախտում չէ, այլ եկեղեցական կանոնի կոպտագույն ոտնահարում, նվիրապետական կարգի դեմ ապստամբություն, ըմբոստություն, հակառակություն, անհնազանդություն, պառակտման ծանրագույն մեղք և դեպի հերձված տանող քայլ:
Քահանայական շնորհը գործում է միայն նվիրապետական համակարգից ներս, որովհետև այդ շնորհի աղբյուրը հենց Հիսուս Քրիստոսն է, ում Մարմինն էլ Եկեղեցին է: Եկեղեցու իշխանության անտեսումը դուրս է դնում պատարագիչին Քրիստոսի Մարմնից և որպես հետևանք` կտրում շնորհից, առանց որի Ս.Պատարագն անվավեր է: ՉԻ ԿԱՐՈՂ քահանան լինել ինքնաբուխ շնորհի աղբյուր: Կարդացեք Սուրբ Գիրքը, եկեղեցու կանոնները, եկեղեցու հայրերի ժառանգությունը:
Հոգևոր տեսանկյունից
հակականոնական «պատարագանման» արարողության ողջ պատասխանատվությունն ընկնում է թե՛ «պատարագիչ» քահանայի, և թե՛ իրեն օրհնություն տվող առաջնորդ եպիսկոպոսի վրա:
Բացի այդ, Պատարագին երկնավոր Հորից մեր հայրապետի համար խնդրում ենք երկար կեանք եւ հոգու փրկութիւն։ Սրա շրջանցումը ոչ մի առնչություն չունի ոչ Աստվածաշնչի, ոչ եկեղեցու սուրբ հայրերի, ոչ կանոնագրքի, ոչ էլ որեւէ այլ հոգևոր գրված կամ չգրված սկզբունքի և քրիստոնեության հետ ընդհանրապես:
Իսկ ես ձեզ ասում եմ. սիրեցէ՛ք ձեր
թշնամիներին, օրհնեցէ՛ք ձեզ անիծողներին, բարութի՛ւն արէք ձեզ ատողներին
եւ աղօթեցէ՛ք նրանց համար, որ չարչարում են ձեզ եւ հալածում, որպէսզի որդիները լինէք ձեր Հօր, որ երկնքում է. քանի որ նա իր արեգակը ծագեցնում է չարերի եւ բարիների վրայ եւ անձրեւ է թափում արդարների եւ մեղաւորների վրայ (Մատթ. 5:44-45):
Կարդացեք նաև
Դուք Վեհափառ Հայրապետից ոչ չարչարվել եք, ոչ հալածվել, այլ միայն ներվել, ու եկեղեցական ամենաբարձր պաշտոններ ստացել, ու հիմա չեք ուզում իր համար աղոթե՞լ: Դուք ասեք, դուք Քրիստոսի հետևո՞րդ եք, դա քրիստոնեաբա՞ր է:
