«Ազդարար» կայքում հրապարակված ծանուցման համաձայն՝ վաղը դատախազություն են հրավիրվել ՀՀ կրթության եւ գիտության նախկին նախարար, ՀՅԴ անդամ Լեւոն Մկրտչյանը, նրա եղբայրը՝ «Արմենիա վայն» ընկերության համահիմնադիր Վահագն Մկրտչյանը եւ նրանց ընտանիքների այլ անդամներ:
Համաձայն դատախազության ծանուցման՝ «Ղեկավարվելով «Ապօրինի ծագում ունեցող գույքի բռնագանձման մասին» օրենքի 16-րդ և 17-րդ հոդվածներով ծանուցում եմ, որ ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչությունում Ձեզ պատկանող գույքի առնչությամբ իրականացվել է ուսումնասիրություն, որի արդյունքում կազմվել է ամփոփագիր:
Դուք իրավունք ունեք սույն ծանուցագիրը ստանալու պահից մեկ ամսվա ընթացքում ներկայանալ ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչություն (հասցե՝ ք. Երևան, Տիգրան Մեծ պ. 50)՝ ծանոթանալու գործի նյութերին, ներկայացնելու դիրքորոշում, ինչպես նաև հայտարարագիր:
Միաժամանակ, հայտնում եմ, որ ներկայանալ անհրաժեշտ է 2025 թվականի դեկտեմբերի 27-ին՝ ժամը 13:30-ին»:
