«Գնահատականներ, որակումներ տալ չեմ կարող․ Վեհափառ Հայրապետն ինչ կորոշի»,-Մայր աթոռի բակում Ճրագալույցի պատարագից առաջ լրագրողների հետ զրույցում ասաց Մայր աթոռի տեղեկատվական համակարգի տնօրեն տեր Եսայի քահանա Արթենյանը՝ անդրադառնալով երեկ հայտարարված եկեղեցու «բարենորոգման» գործընթացին եւ Նիկոլ Փաշինյանի կողքին կանգնած 10 եպիսկոպոսներին կարգալույծ անելու մասին հարցին։
Նա հավելեց՝ Քրիստոնեությունն այն կրոնն է, որը միշտ ապաշխարելու հնարավորություն տալիս է եւ զերծ մնաց 10 սրբազանների քայլին սեփական գնահատականը տալ։
Ըստ նրա, անկախ եկեղեցու առջեւ ծառացած մարտահրավերներից եւ դժվարություններից, Սուրբ Ծննդյան խորհուրդը մեզանում շարունակում է իր կենսական եւ կարեւոր ավետիսով յուրաքանչյուրիս մխիթարել եւ առաջնորդել սուրբ եկեղեցի՝ հաղորդակից լինելու Քրիստոսի սուրբ ծննդյան խորհրդին։
Ճրագալույցի պատարագի ավարտին եկեղեցիներում կբաժանվի Քրիստոսին խորհրդանշող լույսը, որը մարդիկ կտանեն իրենց ընտանիք, որպեսզի Աստծո լույսը թափանցի մեր տներ, մեր կյանք, մեր երկիր։
Կարդացեք նաև
Նելլի ԳՐԻԳՈՐՅԱՆ
