Իբրև բլոգեր հանդես եկող «Լևոն արքա»-ն մեկ այլ բլոգեր «Թու-թու-թու Լավա»-ի և նրա ընտանիքի անդամների հասցեին յութուբյան իր ալիքով սպառնալիքներ և հայհոյանքներ հնչեցնելու համար ոչ միայն ձերբակալվել է, այլ նրա նկատմամբ քրեական հետապնդում է սկսվել:
Քննչական կոմիտեից Aravot.am-ին հայտնեցին, որ քրեական վարույթի նախաքննության ընթացքում մեկ անձի նկատմամբ հարուցվել է հանրային քրեական հետապնդում՝ Քրեական օրենսգրքի 297-րդ հոդվածի 2-րդ մասի 3-րդ կետով (խուլիգանությունը): Կատարվում է նախաքննություն:
Հիշեցնենք, որ ըստ shamshyan.com-ի՝ հունվարի 10-ին, ՀՀ քննչական կոմիտեի Երևան քաղաքի քննչական վարչության Ավան և Նոր Նորք վարչական շրջանների քննչական բաժնի քննիչի որոշմամբ ձերբակալվել էր «Լևոն արքա»-ն:
Արփինե ՍԻՄՈՆՅԱՆ
