Այսօր խորհրդարանական ճեպազրույցի ժամանակ Ազգային ժողովի նախագահ Ալեն Սիմոնյանն անդրադառնալով ԱԺ-ից ՊՊԾ աշխատակիցների միջոցով լրագրողների հեռացվելուն, ասաց, որ ամեն ինչ օրենքով է արվել. «Օրենքով գրված է, հիմա, օրինակ, ես չեմ կարող թույլ տալ, որ ձեզանից մեկը ներս գա ԱԺ դահլիճ, նստի, լսի ու գնա: Կարգ գոյություն ունի, այդ կարգը խախտվել է»:
Նա սկսեց քննադատել լրագրողներին՝ ասելով, որ 4-րդ իշխանության դերը 4-րդ իշխանությունը պետք է բարձր պահի. «Պետք է իրենց այնպես դրսեւորեն, որ ոչ միայն քաղաքական գործիչները, այլեւ հասարակ մարդիկ հաճույք ստանան խոսակցությունից: Իրենզ զգուշացվել է, որ դուրս գան, որեւէ դեպք չի գրանցվել, որ առանց զգուշացնելու դուրս հրավիրեն»:
Կարդացեք նաև
Հիշեցնենք, որ «Հայաստան» խմբակցության պատգամավոր Գեղամ Մանուկյանը ԱԺ պաշտպանության և անվտանգության հարցերով հանձնաժողովի նիստին մասնակցելու համար անցագրեր էր տրամադրել «Ժողովուրդ» կայքի լրագրողներին, սակայն նրանց բռնի ուժով դուրս հեռացրել էին:
Ալեն Սիմոնյանի ճեպազրույցն ամբողջությամբ.
Գոհար ՀԱԿՈԲՅԱՆ
