«Մի օր զանգ եմ ստացել, ինձ տեղեկացրել են, ես էլ ընդունել եմ, շնորհակալություն եմ հայտնել։ Մրցանակի մասին գիտեի՝ նախկինում լուսաբանումներից։ Ինձ համար մեծ պատիվ է արժանանալ նման մրցանակի։ Այն պատճառները կամ արդյունքները, որոնք ընկած են մրցանակաբաշխության հիմքում, թիմային աշխատանքի արդյունք են, նաեւ ՀՀ քաղաքացիների աջակցության»,- ԱԺ-կառավարություն հարցուպատասխանի նիստում հայտարարեց Նիկոլ Փաշինյանը՝ պատասխանելով իր կուսակից Զարուհի Բաթոյանի հարցին։
Հարցը վերաբերվում էր «Զայեդ» մարդկային եղբայրության մրցանակին, որին արժանացել են Նիկոլ Փաշինյանը եւ Ադրբեջանի նախագահ Իլհամ Ալիեւը եւ ԱՄՆ նախագահ Դոնալդ Թրամփի պաշտոնական հրավերին՝ Նիկոլ Փաշինյանին Խաղաղության խորհրդին որպես հիմնադիր անդամ միանալու վերաբերյալ։
Իշխանական պատգամավորը նկատեց, որ դրանք մեկնաբանվում են իբրեւ նախընտրական քայլեր եւ հեգնելով նման որակումներ տվողներին՝ հետաքրքրվեց՝ ինչպե՞ս է Նիկոլ Փաշինյանը հաջողում միջազգային գործընթացները ծառայեցնել հայաստանյան նախընտրական փուլին։
Նիկոլ Փաշինյանն էլ հայտարարեց, որ ՀՀ քաղաքացի չհանդիսացող անձինք իրավունք չունեն մասնակցելու Հայաստանի քաղաքական կյանքին։
Կարդացեք նաև
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
