«Ես երևի ձեզ զարմացնեմ, խորապես համոզված եմ, որ այն ծրագիրը, որն ԱՄՆ-ն ուզում էր Հայաստանում իրականացնել 1999 թ․, հենց այս TRIPP-ն էր։ Եկեք հիշենք Վազգեն Սարգսյանի այցը ԱՄՆ, հանդիպումը ԱՄՆ փոխնախագահ Ալբերտ Գորի հետ։ Վերադառնալուց հետո՝ Վազգեն Սարգսյանի 1 ժամանոց ասուլիսը, և այն պայմանավորվածությունները, ծրագրերը, թե ինչ են անելու, ինչ զարգացումներ են լինելու։ Հայ-թուրքական սահմանի բացում, Թուրքիայի հետ դիվանագիտական հարաբերությունների հաստատում, 3-ամսյա ժամկետում Արցախի հարցի բավականին հայանպաստ լուծում, հաղորդակցուղիների բացում։ Այդպիսով TRIPP-ը եղել է 1999 թ․ հոկտեմբերին»,- «Ա1+»-ի հետ զրույցում ասաց «Հանրապետություն» կուսակցության քաղխորհրդի անդամ Անահիտ Ադամյանը՝ անդրադառնալով TRIPP-ի ուղղությանը։
Վերջինս հիշում է, որ Հայաստանն այդ ժամանակ ուներ տարածաշրջանի ամենամարտունակ բանակը, հարևան պետությունների հետ համեմատած՝ ժողովրդավարական պետություն էր, ուներ Վազգեն Սարգսյանի նման վարչապետ, որը վերափոխելու էր մեր տնտեսությունը 3-4 տարում։ Անահիտ Ադամյանը համոզված է, որ այդ ծրագրի իրականացումից հետո Հայաստանը կլիներ բոլորովին այլ երկիր, տարածաշրջանում բոլորովին այլ հարաբերակցություններ կլինեին, և տարածաշրջանն էլ բոլորովին այլ լինելու էր, բայց հոկտեմբերի 27-ի ոճրագործությունը կասեցրեց այն։
«1998 թ․ հոկտեմբերի 27-ի ոճրագործությունից և Հայաստանում պետական հեղաշրջումից հետո ԱՄՆ-ն այդ ծրագիրը փորձեց իրականացնել Վրաստանում»,- հավելեց նա։
Անդրադառնալով Ռոբերտ Քոչարյանի ասուլիսին՝ ասաց, որ նախկին նախագահն «առաջին վայրկյանից մինչև վերջ պաշտպանեց Մոսկվայի շահերը»։ «Հայաստանի Հանրապետության ինքնիշխանությունը նրա համար գոյություն չունի»։
Չէ՞ք կարողանում ազատվել փիս սովորությունից` ‘ես համոզված եմ’, ‘ես հավաստիացնում եմ’ և նման դատարկ նախաբաններից նախքան սուտ բան ասելը:
Եթե փաստ չէք բերելու, միանգամից ասեք Ձեր սուտը ու վերջ:
Համոզված եմ, Վազգեն Սարգսյանը զայրացած է նայում Արամի վրա վերևից: Հը, ո՞նց ա հնչում: Դուր չեկա՞վ:
Հայ մարդը չի մոռանա արծրունհովհաննիսյանական ‘հաղթում ենք’ -ը:
Ափսոսում եմ, որ այս բնույթի նկատողություն եմ անում Վազգեն Սարգսյանի ընտանիքի անդամի աշխատակցին: Ճիշտ է իմաստությունը, որ արյունակցական կապը արժեք չունի: