Հայ գործարարների ասոցիացիայի գործադիր տնօրեն Գոհար Ղումաշյանը, որը համակարգում է «Մեր ձևով» շարժման կրթության և տաղանդավոր երիտասարդներին աջակցման ուղղությունը, ֆեյսբուքյան գրառմամբ նշում է.
3 օր՝ 3 հարց
«Հայաստանի 100 լավագույն ուսանողները» մրցույթի հայտադիմումների ընդունումը կավարտվի 3 օրից։ 100-ավոր ուսանողներ Հայաստանի տարբեր մարզերից մասնակցում են մրցույթին, և դա ուրախացնում է։
Սիրելի ուսանողներ, ստանում եմ ձեր նամակները, և առանձնացրել եմ ևս 3 հաճախ տրվող հարց, որոնց կպատասխանեմ այս ձևաչափով։
Կարդացեք նաև
1.ՄՈԳ-ի այս տարվա ցուցանիշը հաստատող փաստաթուղթ դեռ չեն տրամադրել, ի՞նչ անել։
Կցել նախորդ կիսամյակի ցուցանիշը, մինչ պատրաստ կլինի նոր փաստաթուղթը։
2.Անվճար սովորող ուսանողները կարո՞ղ են մասնակցել։
Ոչ, մրցույթի նպատակը ուսանողի 1 տարվա ուսման վճարը տրամադրելն է։
3.Ինչպե՞ս են ընտրվելու հաղթողները։
Փետրվարի 1-ից հայտադիմումների ընդունումը դադարեցվելու է։
Մասնագիտական խումբը ուսումնասիրելու է հայտադիմումները, վերլուծելով ՄՈԳ-ը, մոտիվացիոն նամակները և այլ փաստաթղթեր։
Կազմվելու է shortlist. յուրաքանչյուր մարզից ընտրվելու են լավագույն 10 ուսանողները։
Լավագույն 100 ուսանողների ցանկը կհրապարակենք փետրվարի 15-ին, հաղթող ուսանողները կստանան անձնական նամակներ։
Նման մրցույթները շարունակական են լինելու։ Հետևեք իմ և Սարգիս Կարապետյանի էջին, որպեսզի տեղեկացված լինեք։
