Պետական ֆինանսավորման և կառավարման փորձագետ Արտակ Քյուրումյանը գրում է.
Դեռ 2021թ․ դիմել էի ՀՀ վարչապետի աշխատակազմ (կամ ՀՀ ֆինանսների նախարարություն, հաստատ չեմ հիշում)՝ խնդրելով տրամադրել «Հանրային հատվածի կազմակերպությունների հաշվապահական հաշվառման մասին» օրենքի համաձայն պատրաստված ՀՀ կառավարության ֆինանսական հաշվետվությունները, այդ թվում՝ հաշվեկշիռը։ Չտրամադրեցին։ Չունեին։
2025թ․ հոկտեմբերի 22-ին ԱԺ-ում ՀՀ վարչապետը հայտարարեց, որ Հովհաննավանքը գտնվում է ՀՀ կառավարության հաշվեկշռում։ Փաստորեն, հաշվեկշիռ այնուամենայնիվ ունեն։ Ես էլ հենց դա էի ուզում։ Կրկին դիմեցի ՀՀ վարչապետի աշխատակազմ՝ խնդրելով տրամադրել ՀՀ կառավարության հաշվեկշռին։
Այսօր Պետական գույքի կառավարման կոմիտեից ստացել եմ հարցմանս պատասխանը։ Հաշվեկշիռը չեն տրամադրել, սակայն հայտնել են, «որ Հովհաննավանքը պետական գույքի էլեկտրոնային հաշվառման գրանցամատյանում հաշվառված չէ», ինչպես և պատմության և մշակույթի մնացած անշարժ հուշարձանները։
Կարդացեք նաև
