Արդարադատության նախարար Սրբուհի Գալյանն այսօր հրավիրած ասուլիսում անդրադարձավ սիրիացի երկու վարձական ահաբեկիչներին Սիրիա ուղարկելու հարցին։
Հիշեցնենք, որ Բաքվից Հայաստան վերադարձած 4 գերիների դիմաց Թուրքիայի միջոցով Սիրիա են վերադարձվել Հայաստանում ցմահ ազատազրկման դատապարտված Սիրիայի քաղաքացի վարձկան ահաբեկիչները, որոնք 44-օրյա պատերազմի ժամանակ Ադրբեջանի կողմից կռվել են հայերի դեմ։
«Այդ անձինք փոխանցվել են դատապարտյալների փոխանցման կառուցակարգով, այսինքն՝ պայմանով, որ իրենք պետք է շարունակեն պատիժ կրել։ Եվ հարցը կարգավորվել է Քրեական վարույթներով իրավական օգնության մասին օրենքով, ըստ որի՝ կարող է պրոցեսն իրականացվել փոխադարձության սկզբունքի հիման վրա։ Դա արվել է՝ գնահատելով այն հնարավորությունները, որոնք մենք ունենք, եւ արվել է Սիրիայի հետ հարաբերությունները բարելավելու, Սիրիայի հայ համայնքի իրավունքների պաշտպանությունն ավելի արդի դարձնելու համար»,- ասաց Սրբուհի Գալյանը։
Մանրամասները՝ տեսանյութում.
Կարդացեք նաև
Հարցին, թե ինչո՞ւ են վարձկան ահաբեկիչները Սիրիա ուղարկվել Թուրքիայի միջոցով, նախարարը պատասխանեց․ «Ինչո՞ւ, արգելվա՞ծ է Թուրքիայի միջոցով իրականացնելը։ Մենք գնահատել ենք փոխանցելու ճանապարհները, քննարկվել են նաեւ այլ ճանապարհներ։ Նաեւ Թուրքիայի հետ հարաբերությունների լավացման համատեքստում ընտրվել է այդ ճանապարհը։ Վստահաբար, չկա որեւէ արգելք որեւէ պետության միջոցով այդ փոխանցումն իրականացնելու»։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
