Ադրբեջանի նախագահի օգնական, նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը կրկին անդրադարձել է այսպես կոչված «Զանգեզուրի միջանցքին»՝ այս անգամ Սերբիայի հետ կապերի ամրապնդման համատեքստում։
X-ի իր միկրոբլոգում Հաջիևը գրել է, թե Ադրբեջանը և Սերբիան, որպես ռազմավարական գործընկերներ և զարգացող «միջին տերություններ», կարևոր դեր ունեն նաև միջտարածաշրջանային համագործակցության մեջ. Ադրբեջանը Հարավային Կովկասում/ավելի լայն Կասպյան տարածաշրջանում է, իսկ Սերբիան՝ Բալկաններում։
«Զանգեզուրի միջանցք/TRIPP նախաձեռնությունը բարենպաստ հնարավորություններ է ստեղծում Կասպյան, Կենտրոնական Ասիայի և Բալկանյան տարածաշրջանների միջև կապը ամրապնդելու համար», – նշել է նա։
