«Այսօր Հովհաննես Թումանյանի ծննդյան օրն է, որն ավելի քան 15 տարի մեր երկրում նշվում է գիրք նվիրելու օր։ Եվ այս կապակցությամբ մեր նախարարությունը կառավարության նիստի բոլոր մասնակիցներին փոխանցել է գրքեր, որոնք տարբեր տարիներին հրատարակվել են պետության աջակցությամբ»,- կառավարության այսօրվա նիստի սկզբում ասաց ԿԳՄՍ նախարար Ժաննա Անդրեասյանը։
Նա նշեց, որ այդ գրքերի մեջ մեծ բաժին ունեն հենց Հովհաննես Թումանյանի գործերը, բայց կառավարության անդամներին նվիրել են նաեւ ժամանակակից հայ գրողների եւ նաեւ թարգմանական գրականության նմուշներ։ «Հուսով եմ, որ կարդալու ժամանակ կունենաք, եւ նաեւ գուցե միմյանց փոխանցենք մեր կարդացած գրքերը»,- հավելեց Անդրեասյանը։
Մանրամասները՝ տեսանյութում.
Կարդացեք նաև
Ժաննա Անդրեասյանն ասաց, որ ընթերցանության խրախուսումը կառավարության քաղաքականության շատ կարեւոր եւ առաջնահերթ ուղղություն է։ «Մենք արդեն երկրորդ տարին է՝ կազմակերպում ենք ընթերցանության օլիմպիադա 5-րդ եւ 6-րդ դասարանների համար։ Ունենք ընթերցանության խրախուսման ծրագրեր՝ տարրական դպրոցից սկսած»,- ասաց նա։
Ամբողջական տեսանյութը՝ այստեղ.
Ռոզա ՀՈՎՀԱՆՆԻՍՅԱՆ
