Հովհաննես Թումանյանի ծննդյան օրը՝ «Գիրք նվիրելու օրվա» կապակցությամբ՝ Վրաստանում ՀՀ դեսպանության խորհրդական Վահագն Տոնոյանը և դեսպանության աշխատակիցները ծաղիկներ խոնարհեցին Թբիլիսիի հայ հասարակական գործիչների Խոջիվանքի պանթեոնում՝ Մեծն բանաստեղծի շիրիմին։
Նույն օրը նրանք այցելեցին Վրաստանի Քվեմո Քարթլիի շրջանի Բոլնիսի գյուղի հանրային դպրոց։
Օրվա խորհրդին համահունչ՝ ՀՀ դեսպանությունը դպրոցին նվիրեց հայ և վրաց գեղարվեստական գրականություն, որին հաջորդեց աշակերտների մասնակցությամբ Թումանյանին նվիրված գրական միջոցառումը։
Կարդացեք նաև
Ավարտին, դպրոցի տնօրեն Հրանուշ Խուբլարյանը՝ կարևորելով օրվա նշանակությունը, շնորհակալություն հայտնեց գրադարանը նոր գրքերով համալրելու համար։
Վրաստանում Հայաստանի դեսպանություն
