ԵՊԲՀ խորհրդատու պրոֆեսոր, Պլաստիկ վիրաբուժության ամբիոնի երկարամյա վարիչ, «Հերացի» հիվանդանոցային համալիրի պլաստիկ վիրաբուժության և միկրովիրաբուժության կլինիկայի ղեկավար Արտավազդ Սահակյանի առաջին տարեդարձն է առանց նրա։
Տարիներ շարունակ անվանի բժիշկը կարևոր դեր է ունեցել Հայաստանում պլաստիկ և վերականգնողական վիրաբուժության կայացման և զարգացման գործում՝ համադրելով ակտիվ կլինիկական գործունեությունը և հետևողական մանկավարժական աշխատանքը։
Նրա ղեկավարությամբ ձևավորվել է մասնագիտական կայուն դպրոց, որտեղ առաջնային են եղել որակյալ բուժօգնությունը, նորարարական մոտեցումներն ու բարձր պատասխանատվությունը։ Պրոֆեսոր Սահակյանը իր հարուստ փորձն ու գիտելիքը փոխանցել է բազմաթիվ սաների, որոնց մասնագիտական կայացման մեջ այսօր հստակ նկատելի է ուսուցչի ձեռագիրը։Նրա գործունեությունը նպաստել է ոչ միայն ոլորտի զարգացմանը, այլև առողջապահական համակարգում մասնագիտական չափանիշների ամրապնդմանը։
Ծննդյան օրը հիշում ենք նրան՝ հարգանքով և գնահատանքով՝ շարունակելով այն աշխատանքը, որի կայացման և առաջընթացի մեջ նա ունեցել է հիմնարար ներդրում։
Կարդացեք նաև
Առաջարկում ենք վերընթերցել 2018 թվականին «Բժշկի ուղին» ակնարկաշարի նրա ծննդյան առիթով պատրաստված մասը, որը պատմում է բժիշկ Սահակյանի անցած մասնագիտական և մարդկային ճանապարհի մասին։ Հենց այս նյութից ձևավորվեց և հանրության շրջանում հետագայում լայն տարածում ստացավ նրան «Մարմնի ճարտարապետ» անվանելու բնորոշումը։
