Միջազգային հանրապետական ինստիտուտի Հարցումների հետազոտության կենտրոնի նախաձեռնությամբ (ՄՀԻ) ԲՐԵՎԻՍ ընկերությունն իրականացրել է ՀՀ բնակչության հանրային կարծիքի ուսումնասիրություն: Տվյալները հավաքվել են փետրվարի 3-13-ն ընկած ժամանակահատվածում՝ հեռախոսային հարցման մեթոդով։ Ընտրանքը կազմված է 18 տարին լրացած 1,506 ՀՀ քաղաքացիներից եւ Արցախից բռնի տեղահանված՝ Արցախի նախկին բնակիչներից, որոնք այժմ բնակվում են Հայաստանում։
Ձեր կարծիքով, Հայաստանն, ընդհանուր առմամբ, շարժվում է ճի՞շտ, թե՞ սխալ ուղղությամբ՝ այս հարցին տրված պատասխաններն ունեն հետեւյալ պատկերը. 47%-ը պատասխանել է՝ ճիշտ ուղղությամբ, 41 %-ը՝ սխալ ուղղությամբ, 11%-ը դժվարացել է կամ հրաժարվել է պատասխանել:
18-35 տարեկանների 43%-ի կարծիքով Հայաստանը ճիշտ ուղղությամբ է շարժվում, 36-55 տարեկանների 44%-ը եւա կարծում է, որ Հայաստանը ճիշտ ուղղությամբ է շարժվում: Նույն կարծիքին է 56+ տարիք մարդկանց՝ 55%-ը:
Տղամարդկանց 53%-ը համոզված է, որ Հայաստանը ճիշտ ուղով է շարժվում, կանանց 43%-ն է այդ կարծիքին: Երեւանում 41%-ի համոզմամբ՝ Հայաստանը շարժվում է ճիշտ ճանապարհով, 47%-ի կարծիքով՝ սխալ: Ընդհանրապես, քաղաքային բնակչության 47%-ը համոզված է Հայաստանի՝ ճիշտ ուղով շարժվելու մեջ, գյուղական բնակչությունն ավելի լավատես է՝ 54%:
Կարդացեք նաև
Գոհար ՀԱԿՈԲՅԱՆ
