«Իրանն այսօր»–Փեզեշքիանի հայտարարությունից հետո հարևան երկրներին թիրախավորելու մասին արտահայտվել են նաև ԶՈւ խոսնակը, «Խաթամ ալ-Անբիա» ՀՕՊ կենտրոնական շտաբը։
Ասում են՝ իրենք հարևան երկրներին հարգում են ու նրանց դեմ գործողություններ չեն իրականացնում, այլ թիրախավորում են տարածաշրջանում Իսրայելի ու ԱՄՆ բազաներն ու շահերը և այդպես էլ շարունակելու են։
Այս հայտարարություններից հետո Փեզեշքիանը նորից է անդրադարձել թեմային՝ ընդգծելով․ «Իրանի պաշտպանական գործողություններն ուղղված են բացառապես այն թիրախների և միջոցների դեմ, որոնք հանդիսանում են Իրանի ժողովրդի դեմ իրականացվող ագրեսիվ գործողությունների աղբյուրն ու ծագման վայրը, և մենք դրանք համարում ենք մեր օրինական թիրախները։ Մենք չենք հարձակվել մեր բարեկամ և հարևան երկրների վրա, այլ թիրախավորել ենք տարածաշրջանում ԱՄՆ-ի ռազմաբազաներն ու ռազմական օբյեկտները»։
