«Ես էլի ուզում եմ վերահաստատել, որ մենք պատրաստ ենք Կոռնիձորից Երասխով ապահովել Ադրբեջանի արեւմտյան շրջանների եւ Նախիջեւանի ինքնավար հանրապետության կապը։ Ինչո՞ւ ենք մենք այս առաջարկն անում, որովհետեւ մենք հիմա փաստացի Ադրբեջանի երկաթուղուց օգտվում ենք, չենք ուզում, որ մեր օգտվելը լինի միակողմանի։ Ուզում ենք, որ համապատասխանաբար քայլի դիմաց մենք էլ մեր քայլն անենք։ Մի անգամ առաջարկել էինք Թուրքիա-Ադրբեջան հաղորդակցությունը, հիմա առաջարկում ենք Կոռնիձորից Երասխով կապը ապահովել»,- այսօրվա ասուլիսում ասաց Նիկոլ Փաշինյանը։
Նա նշեց, որ այս երթուղին են առաջարկում, որովհետեւ պատրաստ ուրիշ երթուղի չկա այս պահին։ «Մենք սա առաջարկում ենք նախ խաղաղությունն ամրապնդելու տրամաբանությամբ։ Եվ հետո այսօր մենք փաստացի Ադրբեջանի երկաթուղուց օգտվում ենք, այնպես չլինի, որ մենք մտածում ենք, որ իրենք մեր ճանապարհներից պետք է չօգտվեն։ Ոչ, չենք մտածում, մտածում ենք, որ պետք է օգտվեն»,- հավելեց նա։
Մանրամասները՝ տեսանյութում
Կարդացեք նաև
Նա անդրադարձավ նաեւ «խաղաղության պայմանագրի» ստորագրման հնարավորությանը․ «Այդ ուղղությամբ լուռ, հանդարտ դիվանագիտական աշխատանք արվում է։ Բայց ես կասկած չունեմ, որ այդ համաձայնագիրը կստորագրվի, կստորագրվի ապրիլին, մայիսին, հունիսին, սեպտեմբերին, թե երբ, դա երկրորդ խնդիրն է, բայց կստորագրվի։ Բայց շատ կարևոր է արձանագրել, որ նույնիսկ խաղաղության համաձայնագիրը նախաստորագրված լինելու պայմաններում խաղաղությունը հաստատված է, մենք հիմա խոսում ենք խաղաղություն ամրապնդելու եւ խաղաղությունը հետ շրջելու անհնարինության մասին»։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
