ՀՀ զինված ուժերի գլխավոր շտաբի նախկին պետ, գեներալ-գնդապետ Մովսես Հակոբյանն ասել է ու էլի կրկնում է. «Նիկոլ Փաշինյանն իսկական հայ ժողովրդի, Հայաստանի Հանրապետության ժողովրդի վարչապետն է: Ես սա ասելու համար ենթարկվել եմ քննադատության, կարծում եմ՝ Ձեր հարցին պատասխանեցի, եւ էլի կքննադատվեմ»:
– Այսինքն, ժողովուրդն արժանի՞ է Նիկոլին, այդպե՞ս հասկանանք:
– Ոչ, Նիկոլ Փաշինյանը վարում է այն քաղաքականությունը, ինչ որ ցանկանում է ժողովուրդը:
– Բայց հակառակն է դուրս գալիս: Նա ասում է՝ ինձ ընտրեք, որ պատերազմ չլինի, բայց հենց իրեն ընտրում ենք, պատերազմ է լինում՝ Հայաստանում, Արցախում:
Կարդացեք նաև
– Դուք չե՞ք ուզում համաձայնել, որ Նիկոլ Փաշինյանը շատ ուժեղ քաղաքական գործիչ է:
– Ոչ, թույլ է եւ խորամանկ, ես կասեի:
– Բոլոր քաղաքական գործիչները խորամանկ են, քաղաքականությունը խորամանկություն է: Երբ որ ինձ հարց են տվել 15 թվականին՝ ես քաղաքականությամբ կզբաղվեի, թե չէ, ասել եմ՝ ոչ, որովհետեւ ես զինվորական եմ: Զինվորականը երբ մի միտք է արտահայտում, 1000 մարդ եթե լսում է, պետք է ընկալեն նույն ձեւով: Քաղաքական գործիչը երբ որ միտք է արտահայտում, եւ 1000 մարդ լսում է, նրանք այդ միտքը կհասկանան 1000 ձեւի:
– Լավ, որպես զինվորական, որը շատ լավ է ճանաչում ադրբեջանցիներին, ի՞նչ եք կարծում․ եթե Փաշինյանին չընտրենք, սեպտեմբերին պատերա՞զմ կսկսվի, ինչպես ինքն է սպառնում:
– Ես կարծում եմ, որ գլխավոր գործոնը՝ պատերազմ սկսվելու հարցում, հայ ժողովուրդն է: Եթե նա ուզի կռիվ լինի, կլինի, եթե չուզի, չի լինի: Կռիվ չլինելու միակ երաշխիքը դիմակայելու պատրաստակամությունն է: Եթե դու պատրաստ չես դիմակայելու, ով ուզում է ընտրվի, պատերազմը լինելու է:
– Բայց դա կապված չէ՞ բանակի մարտունակության հետ, պատրա՞ստ ենք պատերազմի, թե՞ ոչ:
– Դրանք՝ բոլորը, երկրորդական են, դա մարդու մտքից ու կամքից է կախված, որ նա չուզենա պարտվել, մնացած բոլորը հայթայթվող է, ստացվող է:
Սյուզան ՍԻՄՈՆՅԱՆ
Հոդվածն ամբողջությամբ՝ «Հրապարակ» օրաթերթի այս համարում
