Այսօր Աշտարակի բնակիչների հետ հանդիպման ժամանակ ԱԺ «Հայաստան» դաշինքի պատգամավոր Լիլիթ Գալստյանն ասաց, որ չի կարող լինել անվանգության` առանց հոգևոր-մշակութային անվտանգության։
Ըստ նրա, ներկայումս մեր երկրում տեղի է ունենում գիտության և մշակույթի գլխատում, իսկ դա ազգային պետության կազմաքանդումն է։ Նա ասաց, որ այսօրվա իշխանությունները որքան էլ հայտարարեն «300 դպրոց, 500 մանկապարտեզ» կառուցելու մասին, որոնցից կառուցվել կամ ավելի ճիշտ վերակառուցվել է 100-ը, փաստն այն է, որ նրանք պատրաստվում են փակել 200 դպրոց, որոնց շուրջ 70 տոկոսը սահմանամերձ են։ «Փակել գյուղի դպրոցը, նշանակում է փակել գյուղը, բացել սահմանները թշնամու առջև»,-ասաց բանախոսը։
Նա խոսեց նաև Գիտությունների ազգային ակադեմիայի գլխատման մասին։ Այն, Լիլիթ Գալսատյանի տեղեկացմամբ, այլևս չկա, այս իշխանությունների ձեռամբ փակվել է, և 40 գիտական հաստատությունների ճակատագիրն անհայտ է։ «Եթե սա թշնամու ձեռագիր չէ, ապա ի՞նչ է»,-հարցրեց Լիլիթ Գալստյանը` շեշտելով, որ Հայաստանում ամենաշատ դպրոցներ կառուցվել են Ռոբերտ Քոչարյանի կառավարման օրոք, դրանց թիվը 120 է։
Մանրամասները` տեսանյութում
Կարդացեք նաև
Նունե ԱՐԵՎՇԱՏՅԱՆ
