«Հիշեցի, թե ոնց էր մեր խմբակցության նիստի ժամանակ ինքը լացում եւ աղաչում, որ մնա մեր խմբակցությունում։ Առաջարկություններ էր անում, ասում էր՝ սառեցնենք, ես բեղ պահեմ, ձեւ անեմ, որ դուք ինձ չեք ճանաչում։ Մեր քաղաքական պատմության մեջ նման դեպքեր ունեցել ենք եւ վստահ եմ, էլի կունենանք, որ մարդիկ, երբ Նիկոլ Փաշինյանի շողքը տեսնում են, գիտեն, թե իրենք են։ Աստղայինը տանում է, մտածում են՝ իրենք լուրջ քաղաքական ապագա ունեն»,- ԱԺ ամբիոնից հայտարարեց ԱԺ նախագահ Ալեն Սիմոնյանը։
Նա խոսում էր նախկին ՔՊ-ական Հակոբ Ասլանյանի մասին, ով երեկ, ԱԺ-ի մոտ ցույց անող զոհվածների ծնողների հետ խոսելիս, ըստ Ալեն Սիմոնյանի, ասել էր․ «Դիմացեք, երկու ամիս բան մնաց, հիմա Նիկոլին իր ընկերներով ռադ կանենք՝ կգնան»։
Ալեն Սիմոնյանի ելույթի ժամանակ Հակոբ Ասլանյանը, տեղում նստած, հեգնանքով ժպտում էր։
«Իրենք քաղաքական Պանիկովսկին են։ Ուզում եմ ձեզ շնորհավորել․ մենք իրենց ռադ արինք, ռադ արինք, բայց ընենց պահեցինք, որ թոշակի հարցը կլուծենք։ Թոշակը կստանաս, մի անհանգստացի»,- ասաց Ալեն Սիմոնյանը։
Կարդացեք նաև
Հակոբ Ասլանյանը տեղից ինչ-որ ռեպլիկ նետեց։ Ռուբեն Ռուբինյանը սաստեց․ «Պարոն Ասլանյան, տեղից մի արձագանքեք, թե չէ դահլիճից էլ ռադ կանենք»։
Ամբողջական տեսանյութը՝ այստեղ.
Նելլի ԳՐԻԳՈՐՅԱՆ
