ՀՀԿ փոխնախագահ Արմեն Աշոտյանն այսօր ուղիղ եթերով անդրադարձել է Նիկոլ Փաշինյանի հայտնած տեղեկությանը, թե այսօր Սուրբ Աննա եկեղեցում աղմկող մարդկանց մի մասը ՀՀԿ-ից էր,մյուս մասը՝ «Սասնա ծռերից»:
«Նիկոլի աչքին ամեն տեղ երեւում են հանրապետականները, ու ճիշտ են անում: Բայց քեզ, Նիկո՛լ, իրականում ատում է ողջ հայ ժողովուրդը, ու ես ուրախ եմ, որ իմ կուսակցությանը նույնականացնում ես ողջ ժողովրդի հետ: Որովհետեւ հանրապետականը ժողովրդինն է, իսկ ժողովուրդը քեզ ատում է»,-ասաց Աշոտյանը:
Նա, անդրադառնալով օրվա՝ Ծաղկազարդի խորհրդին, ասաց, որ Ծաղկազարդի խորհուրդը ենթադրում է համերաշխություն ու ներողամտություն, բայց ներվում են այն մարդիկ, որոնք զղջում են իրենց մեղքերի համար, բայց Փաշինյանն իր մեղքերից հաճույք ստացող մարդ է ու ներողամտության ոչ արժանի. «Մինչ այդ քեզ հետապնդելու են թե՛ հանրապետականների ստվերները, թե՛ քո պատճառով զոհված տղերքի հոգիները, ու թե՛ ողջ հայ ժողովուրդը: Եվ այդ հետապնդումները միայն ֆիզիկական չեն, նախ եւ առաջ հոգեկան են: Դրա համար են քո աչքին ամեն տեղ երեւում հանրապետականները»:
Կարդացեք նաև
Արփինե ՍԻՄՈՆՅԱՆ
