Ամիրյան փողոցում, որտեղ ընթանում է ապրիլի 24-ի Հայոց ցեղասպանության զոհերի հիշատակի օրվանից անմիջապես հետո անցկացվող՝ Նիկոլ Փաշինյանի ազդարարած խորոված փարթին Քաղաքացու օրվա առիթով, ՔՊ-ական պատգամավոր Խաչատուր Սուքիասյանը, պատասխանելով լրագրողների հարցերին, դատապարտել է Արցախում հայկական մշակութային ժառանգության ոչնչացումը, նաեւ նշել, որ դա պետք է արժանանա միջազգային արձագանքի։
«Պետք է ճշտել, թե ի՞նչ աստիճանի են վնասել… Եթե Մայր տաճարն են վնասել, դա արդեն ունի իր գնահատականը, որովհետև մշակութային ցանկացած արժեք, անգամ քարի կտոր, ամբողջ աշխարհում պաշտպանվում է։ Դրա համար կան համապատասխան ինստիտուտներ՝ ՅՈւՆԵՍԿՕ եւ այլ կառույցներ։ Միջազգային հեղինակավոր կազմակերպությունները պետք է պայքարեն նման գործողությունների դեմ»,-նշել է նա՝ անդրադառնալով Ստեփանակերտի Սուրբ Աստվածամոր Հովանի մայր տաճարի ավերմանը:
Ի դեպ, Նիկոլ Փաշինյանն էլ օրերս կառավարության նիստից հետո կայացած ճեպազրույցում ասել էր, որ չեն պատրաստվում պետական մակարդակով միջազգային քննարկման առարկա դարձնել Ստեփանակերտի եկեղեցու ավերման փաստը։
Կարդացեք նաև
Գոհար ՀԱԿՈԲՅԱՆ
