Մասյացոտնի թեմի առաջնորդությունը հայտարարությամբ արձագանքել է Արա Զոհրաբյանի և Ռուբեն վարդապետ Զարգարյանի մեղադրանքներին ֆինանսական չարաշահումների, գումարների վատնման և անհիմն ծախսերի մասին։
«Հարկ ենք համարում հանրության ուշադրությանը ներկայացնել 2026 թվականի Մասյացոտնի թեմի հաշվարկային հաշիվներից «դուրս հանված» դրամական միջոցների համառոտ պատկերը,-մասնավորապես ասված է հայտարարության մեջ։- Պաշտոնապես և պատասխանատու կերպով հայտարարում ենք, որ Մասյացոտնի թեմի ոչ մի լումա չի անցել ապօրինի ճանապարհ, չի լվացվել, չի յուրացվել, չի չարաշահվել և չի ծախսվել անտեղի կամ անհիմն նպատակներով։
Թույլ չենք տալու, որ հանրությանը մոլորեցնելու միջոցով այդ միջոցները օտարվեն թեմից եւ թեմի առաջնորդի վերահսկողությունից եւ ծառայեցվեն պետության, ազգի, եկեղեցու, թեմի և թեմի բարեխնամ առաջնորդի դեմ։
Ստորև ներկայացնում ենք 2026 թվականի հունվարի 1-ից մինչև մայիսի 11-ը կատարված ծախսերի համառոտ հաշվետվությունը․
Կարդացեք նաև
- Մոմի ձեռքբերում — 11,695,000 դրամ
- Վաճառքի համար նախատեսված ապրանքների ձեռքբերում — 2,148,000 դրամ
- Աշխատավարձ՝ 23 անձի համար, 4 ամսվա կտրվածքով — 6,249,475 դրամ
- Գրենական և տնտեսական ապրանքների ձեռքբերում 2026թ 1-ին 6 ամիսների ընթացքում օգտագործելու համար — 125,530 դրամ
- Բենզինի ձեռքբերում 2026թ 1-ին 6 ամիսների ընթացքում օգտագործելու համար — 2,403,200 դրամ
- Կոմունալ վճարներ — 441,414 դրամ
- Տրանսպորտային միջոցների տեխնիկական զննում, բնապահպանական հարկ և ԱՊՊԱ — 78,470 դրամ
- Քարոզչական առաքելության ծախսեր՝ նախատեսված նախահաշվով — 700,000 դրամ
- Ներկայացուցչական ծախսեր՝ նախատեսված նախահաշվով — 1,000,000 դրամ
- Հյուրասիրության ծախսեր՝ նախատեսված նախահաշվով — 750,000 դրամ
- Օգնություն աշխատակիցներին և այլ անձանց՝ նախատեսված նախահաշվով — 1,440,000 դրամ
- Բանկի կողմից գանձված գումար — 5,000 դրամ
- Ավանդի ներդրում — 40,000,000 դրամ
Ընդհանուր դրամական ելքերը կազմել է 67,036,089 դրամ։
Հետևաբար ակնհայտ է, որ տարածվող մեղադրանքները որևէ փաստական հիմք չունեն և կրում են բացառապես զրպարտչական ու մանիպուլյատիվ բնույթ։
Զրպարտչական արշավի շարունակության պարագայում համապատասխան անձինք պատասխանատվության կկանչվեն իրավական դաշտում»։
