«Հայաստանի կենսաբազմազանության եւ ապագա սերունդների հետ ամեն ինչ լավ է լինելու, որովհետեւ դրա համար անհրաժեշտ է շատ փող: Երբ այդ շատ փողը վերցնենք ու դնենք սերունդների կրթության, առողջության, անտառների տնկման, ջրամբարների կառուցման վրա, Սեւանից քիչ ջուր բացթողելու վրա, հանրային առողջության պահպանման վրա, այդ ժամանակ մեր ե՛ւ երկրի, ե՛ւ կենսաբազմազանության, ե՛ւ սերունդների համար լավ կլինի»,- ճեպազրույցում ասաց էկոնոմիկայի նախարար Գեւորգ Պապոյանը՝ պատասխանելով Aravot.am-ի հարցին:
«Ամուլսարի հանքը գործելու է, գործում է եւ կգործի այնպես, ինչպես գործում է ԶՊՄԿ-ն, այլեւ անհնար է Հայաստանը պատկերացնել առանց Ամուլսարի, առանց ԶՊՄԿ-ի, եւ անհնար է պատկերացնել առանց այդպիսի խոշոր հանքարդյունաբերական գիգանտների, սա պետք է ընդունել: Եվ այո, մենք երկարաժամկետ զարգացման պլաններ ունենք: Մեր երկրի զարգացման պլանները եւ պետության հարատեւությունը այդպիսի հանգամանքներից են բաղկացած, եւ մենք չենք պատրաստվում լինել տնտեսապես թույլ երկիր: Մենք պատրաստվում ենք լինել տնտեսապես ուժեղ երկիր, որտեղ մեկ շնչին ընկնող ՀՆԱ-ն այս տարի 10000 դոլարը կանցնի»,- ասաց Պապոյանը:
Aravot.am-ի հարցին՝ երաշխավորո՞ւմ է, որ Ջերմուկին եւ Սեւանա լճին որեւէ էկոլոգիական աղետ չի սպառնալու, այսպես պատասխանեց. «Ես չեմ կարող երաշխավորել, մասնագետներն են երաշխավորել սա՝ կատարած հետազոտությամբ»:Նախարարի ձեւակերպմամբ՝ եթե ուզում ենք կենսաբազմազանության հարց լուծել, ուրեմն պետք է փողի հարց լուծել:
Ճեպազրույցն ամբողջությամբ
Կարդացեք նաև
Ռոզա ՀՈՎՀԱՆՆԻՍՅԱՆ
Գոհար ՀԱԿՈԲՅԱՆ
