Նախագահի թեկնածու Պարույր Հայրիկյանն այսօր անձամբ էր որոշում՝ ով իրեն այցելի, ով՝ չէ:
Առավոտյան նրան այցելության գնացած ԱԺ նախկին անկախ պատգամավոր Վիկտոր Դալլաքյանին եւ հայ-կազակական միավորման ներկայացուցիչ, գնդապետ Կարեն Զադոյանին այդպես էլ չթույլատրեցին Հայրիկյանի հիվանդասենյակ մտնել:
Պատճառները տարբեր էին:
Վերակենդանացման բաժանմունքի վարիչ Լեւոն Օրլովի խոսքերով. «Հայրիկյանն իրեն լավ է զգում, ինքն է որոշում՝ ում հետ շփվի, ում հետ՝ ոչ: Ում հետ ուզում է շփվել, շփվում է»:
Կարդացեք նաև
Իսկ պարոն Հայրիկյանի մամուլի խոսնակ Սուսաննա Գրիգորյանն էլ պատճառաբանեց, որ որոշողը Հայրիկյանը չէ, այլ՝ բժիշկները. «Ասել են նրան հանգստանալ է պետք մոտ 6 ժամ: Դրանից հետո թույլ կտան այցելությունները»:
Տիկին Գրիգորյանը չէր հասցրել ավարտել խոսքը, երբ պարոն Հայրիկյանին այցելության եկավ առողջապահության նախարար Դերենիկ Դումանյանը Գ. Լուսավորիչ բժշկական կենտրոնի տնօրեն Մինասյանի հետ:
Լրագրողների հարցին՝ ձեզ հետ ուզո՞ւմ է շփվել պարոն Հայրիկյանը, նախարարն ասաց. «Գնամ, տեսնեմ»: Պարոն Մինասյանն էլ ասաց.
«Հակառակը բոլորի հետ հաճույքով զրուցում է, կարող է ուզում է հանգստանալ, առողջականը լավ է»:
Պարոն Դումանյանը այցելությունից վերադառնալով՝ ասաց, որ պարոն Հայրիկյանը չի ասել՝ ում հետ է ուզում շփվել, ում հետ՝ չէ.«Առողջական վիճակը լավ է, հույս ունենք մոտ օրերս դուրս կգրվի, անհանգստանալու բան չկա»:
Արփինե ՍԻՄՈՆՅԱՆ
Պարույր Հայրիկյանը, Դալլաքյանի հետ չհանդիպելով, եռապատկեց այն հարգանքը, որ ես տածում եմ իր նկատմամբ:
Դալլաքյանն իր մեծահոգություւնա արել. իսկ Հայրիկյանն իր նախանձնա ցուց տվել