Նոյեմբերի 3-ին Ստրասբուրգում կայանալիք՝ Արցախի հարցին նվիրված խորհրդակցությանը մասնակցելու հրավեր է ստացվել Եվրախորհրդի խորհրդարանական վեհաժողովի գլխավոր քարտուղար պրն Բրունո Հալերից, որը Ֆրանսիայի եւ Գերմանիայի սահմանագլխին գտնվող քաղաքում բանակցություններին մասնակցելու հրավեր է արել ՀՀ ԱԺ նախագահին եւ ԱԳ նախարարին, ինչպես նաեւ ԼՂՀ պատվիրակությանը։
ԱՏԵՆԱՊԵՏԸ ՀԵՐՔՈՒՄ Է
Երեկ «Առավոտի» խմբագրություն զանգահարեց Տեղեկատվության եւ գրահրատարակչության վարչության պետ, ՀՀ նախագահի խորհրդական, ՀՌԱԿ ատենապետ Հարություն Կարապետյանը եւ հայտնեց, որ, հակառակ Լոս-անջելեսյան «Նոր օր» թերթի պնդումներին, ինքը Թեքեյան մշակութային միության ոչ հիմնադիր է, ոչ սեփականատեր, ոչ էլ բաժնետեր: Նա հայտնեց նաեւ, որ Հակոբ Ավետիքյանը ոչ թե ՀՌԱԿ, այլ ԹՄՄ փոխատենապետն է։
ՈՒԽՏԸ ՅՈՐԴՈՐՈՒՄ Է ՅԱՅՏԱՐԱՐԵԼ
Կարդացեք նաև
Ազգային միասնության ուխտը դիմել է Ազգային ժողովին ուղերձով.
Կոչ ենք անում ս.թ. հոկտեմբերի 13-ին հրաւիրել արտահերթ նիստ, մէկ օրով դադարեցնել բոլոր կարգի վիճաբանութիւնները եւ միահամուռ որոշումով չեղեալ յայտարարել հայ ժողովրդին բռնութեամբ պարտադրուած 1921 թ. հոկտեմբերի 13-ին անհիմն ու ապօրինի պայմանագիրը։
ՌԱՖԱՅԷԼ ՀԱՄԲԱՐՁՈՒՄԵԱՆ
Ազգային միասնութեան ուխտի խորհրդի նախագահ
