Վաղը «Օջախ» ռեստորանում տեղի է ունենալու ԱԺ նախկին պատգամավոր, նախկին քաղբանտարկյալ, ներկայումս ՀԱԿ կարկառուն դեմքերից մեկի՝ Սասուն Միքայելյանի որդու հարսանյաց արարողությունը: «Առավոտի» աղբյուրը պնդում է, որ այն իր ճոխությամբ լինելու է տարվա հարսանիքը:
Մեր տեղեկություններով, հարսանեկան արարողությանը հրավիրված է 650-700 մարդ: Յուրաքանչյուր մեկ հրավիրյալի համար նախատեսված է 150 դոլարի ծախս: Արդյոք հրավիրյալների ցանկում կա՞ն ներկայիս բարձրաստիճան իշխանավորներ՝ «Առավոտին» չհաջողվեց պարզել, սակայն, ի տարբերություն Գագիկ Ջհանգիրյանի, Սասուն Միքայելյանն իր որդու հարսանիքին հրավիրել է ՀԱԿ-ի վերնախավին:
«Առավոտին» հաջողվեց ճշտել նաեւ, որ Սասուն Միքայելյանի խնամին իր համագյուղացին է՝ վանատուրցի Օնիկ Բաղդասարյանը: Վերջինս ճանապարհաշինարարական հիմնարկություն է ղեկավարում, Ծաղկաձորում գազալցակայն ունի եւ էլի մի քանի ոչ մեծ «օբյեկտ»:
Նելլի ԳՐԻԳՈՐՅԱՆ
Կարդացեք նաև
