Երեկ աշխատանքային օրվա երկրորդ կեսին ՀՀ քրեական եւ զինվորական գործերով վերաքննիչ դատարանում նախագահող Սերգեյ Չիչոյանի նախագահությամբ շարունակվեց պայմանագրային զինծառայողներ Սասուն Ավանեսյանի եւ Գրիշա Սողոմոնյանի դեմ հարուցված քրեական գործի դատաքննությունը:
Առաջին ատյանի ընդհանուր իրավասության դատարանի դատավճռով նրանցից Սասուն Ավանեսյանը դատապարտվել է 5 տարվա, իսկ Գրիշա Սողոմոնյանը՝ 3 տարի 6 ամիս ազատազրկման:
Նրանք մեղադրվել են զինմասի պահեստամասից զինվորական ճտքակոշիկներ, 3 հատ զրահաբաճկոն, զինանոցից ինքնաձիգ եւ փամփուշտ գողանալու համար: Այս զինծառայողները մտել էին նաեւ գործով տուժող ճանաչված, շտաբի պետ Աղաս Գալստյանի աշխատասենյակ, այնտեղից էլ գողացել էին հեռախոսներ, 1 շիշ «Մանե» տեսակի կոնյակ, ապա ինքնակամ թողել էին զորամասը:
Նրանք հայտնաբերվել էին ռազմական ոստիկանության աշխատակիցների կողմից:
Կարդացեք նաև
Ռուզան ՄԻՆԱՍՅԱՆ
