Մենք բոլորս էլ շատ ենք սիրում քնել: Իհարկե դժվար է առավոտյան արթնանալ և դուրս գալ տաք անկողնուց: Ինքդ քեզ ասում ես` մի 5 րոպե էլ քնեմ ու շարունակում ես վայելել երազները: Ստացվում է այնպես, որ դրա պատճառով ուշանում եսդասից, աշխատանքից, կարևոր հանդիպումից: Որպեսզի հասցնենք ամեն տեղ` անհրաժեշտ է ընտրել ճիշտ զարթուցիչ: Ինչպես տեղեկացանք yankodesign.com.-ից` ճապոնացի դիզայներ Կիմ Ջունգվուն ստեղծել է Smile Alarm Clock զարթուցիչը: Սարքի առանձնահատկությունը կայանում է անջատելու ընթացքի մեջ. Պետք է ժպտաս զարթուցիչին: Այն հատուկ սենսորով կհետևի մարդու միմիկաներին ու, եթե, կնկատի, որ ժպիտը բնական է, ապա կանջատի ձայնը: Սրանով դիզայները ցանկացել է, որպեսզի մարդիկ իրենց օրը սկսեն պոզիտիվ:
Իմացավ՝ Արամ Արարատյանը
