«Մարտի 1-2-ը ես համարում եմ անհատների նպատակ: Այդ նույն տրամաբանությամբ ես արդեն հայտարարել եմ, որ խորհրդարանական ընտրություններից հետո մենք գործ չենք ունենալու քաղաքական գործընթացների հետ, այլ գործ ենք ունենալու սուբյեկտիվ գործընթացների հետ»,- այսօր «Փաստարկ» ակումբում հայտարարեց ԱԺ պատգամավոր, Սոցիալական հարցերի հանձնաժողովի նախագահ Հակոբ Հակոբյանը:
Լրագրողներին հետաքրքրեց՝ պատգամավորն ինչպիսի՞ն կցանկանար տեսնել ապագա խորհրդարանը: Նա պատասխանեց. «Կցանկանայի, որ ապագա խորհրդարանում ժողովուրդն իր պատգամավորից դժգոհ լիներ»:
Դառնալով առաջին նախագահ Լևոն Տեր-Պետրոսյանի ելույթում հնչած խորտակվող նախագահի հետ կապված դիտարկումներին՝ Հ. Հակոբյանը նշեց. «Լավ կլիներ, որ առաջին նախագահը՝ որպես խորտակված նախագահ, միանար երկրորդ նախագահին՝ որպես խորտակված նախագահ, և չթողնեին, որ երրորդ նախագահը խորտակվի»:
Տաթև ՀԱՐՈՒԹՅՈՒՆՅԱՆ
