Ըստ վերջերս շրջանառվող լուրերի, Երեւանի դպրոցներում տարածվել է ջրծաղիկ հիվանդությունը: Խնդրի հետ կապված Aravot.am-ը մեկնաբանություն խնդրեց Երեւանի քաղաքապետարանի աշխատակազմի հանրակրթության վարչության պետի տեղակալ Սիլվա Աչոյանից: «Մենք նման որեւէ ահազանգ չենք ստացել, իսկ երբ որեւէ դպրոցում, որեւէ երեխայի հետ նման դեպք է լինում, նա մեկուսացվում է, այդ ընթացքում չի հաճախում դասերին, այն դասարանը, որտեղ եղել է նման դեպք՝ մաքրվում է: Բայց հիմա ես չունեմ որեւէ տեղեկություն, որ ինչ-որ դպրոցում կա ջրծաղիկ հիվանդությունը: Լինելու դեպքում սանէպիդկայանը իր անհրաժեշտ գործողությունները կիրականցնի ու խնդիր չի լինի»,- պատասխանեց տիկին Աչոյանը:
Չնայած քաղաքապետարանի պաշտոնյայի պնդումներին, թե մայրաքաղաքի դպրոցներում չկան ջրծաղիկով հիվանդ երեխաներ, «Հենարան» եւ «Մարդիկ» կայքերն այլ բան են ահազանգում:
Արամ ԱՐԱՐԱՏՅԱՆ
