Երեկ ԵԽԽՎ-ում Բյուրոյի եւ Մշտական կոմիտեի զեկույցը ներկայացնելու ժամանակ ազդարարվել է, որ Բյուրոն սահմանել է նոր կարգ, ըստ որի՝ դիտարկման առաքելություն իրականացնող ժամանակավոր հանձնաժողովների անդամները պետք է հայտարարեն շահերի բախման մասին՝ մինչեւ կհաստատվեն որպես դիտորդներ:
«Այս նոր կարգն արդեն գործածվել է Հայաստանի եւ Սերբիայի դիտորդական առաքելությունների համար,- ասել է զեկուցող Շվեյցարիայից պատվիրակը:- Այս կարգը նպատակ չունի հիասթափեցնել տվյալ երկրների հատուկ իմացություն կամ շփումներ ունեցող թեկնածուներին, բայց կավելացնի թափանցիկությունը»:
