Լուսանկարը՝ Արման Վեզիրյանի
Գլոբալիզացիայի եւ տարածաշրջանային համագործակցության վերլուծական կենտրոնի կազմակերպած «Հայ-թուրքական հարաբերությունների արդի վիճակը» թեմայով քննարկման ժամանակ ժուռնալիստների «Ասպարեզ» ակումբի նախագահ Լեւոն Բարսեղյանը հիշեց, որ դեռ 2007 թվականին իրենք դիմել էին, այսպես կոչված, դոնոր կազմակերպություններին՝ հայ-թուրքական հարաբերությունները հասարակական մակարդակում զարգացնելու համար: Արձագանքել էր միայն ԱՄՆ դեսպանատունը:
Մինչ Հայաստանի եւ Թուրքիայի հավաքականներին բախտ կվիճակվեր միմյանց դեմ պայքարելու, ինչի արդյունքում էլ ծնվեց «ֆուտբոլային դիվանագիտությունը», «Ասպարեզ» ակումբը քանիցս փորձել է Կարսի վիլայեթի եւ Գյումրու լրագրողների միջեւ ֆուտբոլային խաղեր կազմակերպել: Խաղերը ոչ մի անգամ չեն կայացել, քանի որ, ըստ Բարսեղյանի, Անկարան «դաբրո» չի տվել: Գյումրեցի լրագրողներին, սակայն, հաջողվել է ֆուտբոլ խաղալ Կարսում: Այնտեղ գտնված ժամանակ նրանք պարզապես փողոցում հավաքված տղաներին են առաջարկել ֆուտբոլ խաղալ: Հետո, պարզվել է, որ տղաները ինչ-որ գործարանի ֆուտբոլի թիմի խաղացողներ են: Խաղն ավարտվել է 15-13 հաշվով՝ հօգուտ թուրքերի:
Այս պատմությունը ներկայացնելուց հետո Լեւոն Բարսեղյանը կատակեց՝ «Երեւի էդտեղից վերցվեց եւ զարգացվեց «ֆուտբոլային դիվանագիտությունը»:
Թե ինչպե՞ս է տեսնում հայ-թուրքական հարաբերությունների հեռանկարը Լեւոն Բարսեղյանը՝ դիտեք տեսանյութում.
Կարդացեք նաև
Նելլի ԳՐԻԳՈՐՅԱՆ
