Արաբկիր, Քանաքեռ եւ Զեյթուն վարչական շրջանների դատարանում այս պահին սկսվել է Armenia Today կայքի համակարգող Արգիշտի Կիվիրյանի նկատմամբ հարուցված քրեական գործով նախնական նիստը: Դատարանի բակում մի խումբ ակտիվիստներ ՝ նախքան դատական նիստի սկսվելը «միասին պայքարենք արդարության համար» եւ նմանատիպ պաստառներով կարճ բողոքի ակցիա անցկացրին:
Հիշեցնենք, որ Արգիշտի Կիվիրյանի դեմ քրեական գործ է հարուցվել Կոմիտաս 5 հասցեում ապօրինի շինարարության դեմ բնակիչների պայքարին աջակցելու համար: Ըստ Կիվիրյանի, իր նկատմամբ ոստիկանները բռնություններ են կիրառել, ապօրինի տարել ոստիկանություն, բայց փոխարենը նախաքննական մարմինը այդ ապօրինությունները քններ, գործ է հարուցել իր դեմ՝ մեղադրելով թե ինքը բռնություններ է կիրառել ոստիկանների նկատմամբ:
«Սա հայտնի գործն է, թե իբր ոստիկանին կծել եմ, գզել եմ, Աստված գիտի՝ էլ ինչեր եմ արել ոստիկանին»,- ասաց պարոն Կիվիրյանը:
Կարդացեք նաև
Կիվիրյանի շահերը պաշտպանելու են եկել փաստաբանների պալատի նախագահ Արա Զոհրաբյանը եւ պալատի տասնյակ փաստաբաններ:
Արփինե ՍԻՄՈՆՅԱՆ
