«Ազգային անվտանգություն» կուսակցության նախագահ ԳԱՌՆԻԿ ԻՍԱԳՈՒԼՅԱՆԸ «Իրատես de facto»-ի հետ զրույցում այսօրվա քաղաքական բոլոր «արատների» համար մեղադրեց գործող իշխանություններին, իսկ ընդդիմությունը, ըստ նրա, «սեփական շահը ստորադասում է ազգային ու պետական շահին»։
– Եվ իշխանական, և ընդդիմադիր ուժերը համարժե՞ք են երկրում տիրող իրավիճակին։
– Իշխանությունները՝ ոչ, ընդդիմության առումով կարող եմ ասել, որ նրանց վերջին շրջանի գործունեությունը ցույց է տալիս, որ նրանք պատրաստ են սեփական շահը ստորադասելու ազգային ու պետական շահին։
– Սահմանադրական բարեփոխումների խնդիրը քաղաքական օրակարգի հիմնական հարցն է, ու անգամ դա քառյակը եռյակ դարձրեց։ Այս ուժերի ներսում տարաձայնությունների միակ խնդիրը դա՞ էր։ Առաջիկայում հնարավոր չէ՞, որ քառյակից կեսը մնա։
Կարդացեք նաև
– Այդ հարցը արհեստականորեն մտցվեց օրակարգ, դրա միակ նպատակը իշխանությունների կողմից իրենց վերարտադրման խնդրի լուծումն էր։ Որոշ կուսակցությունների կողմից գայթակղություններ առկա են, բայց, կարծում եմ, դրանք շուտով կվերանան։ Ինչ մնում է քառյակի եռյակ դառնալուն, կամ եռյակի՝ երկյակ, ապա այս պարագայում շատ կարևոր է ԲՀԿ առաջնորդ Գագիկ Ծառուկյանի այն արտահայտությունը, որ իրենք երկրի առջև ծառացած խնդիրների լուծման ուղղությամբ պայքարելու են բոլոր պարագաներում, եթե նույնիսկ պահանջվի, որ այդ ամենն իրենք անեն միայնակ։ Իսկ ԲՀԿ-ն բոլոր առումներով այսօր Հայաստանի ամենաազդեցիկ քաղաքական ուժն է։
– Դուք բավականին ջերմ եք խոսում քառյակի (եռյակի) առանցք դարձած ԲՀԿ-ի մասին։ Իսկապե՞ս կարծում եք, որ ԲՀԿ-ն ՀՀԿ-ից այդքան շատ է տարբերվում։
– Տարբերությունն ակնառու է, և դրա ամենահակիրճ ձևակերպումը հետևյալն է. ՀՀԿ-ն պայքարում է, ելնելով անձնական ու կուսակցական շահերից, ԲՀԿ-ն այդ շահերը ստորադասում է ազգային ու պետական շահերին։
Ռուզան ԽԱՉԱՏՐՅԱՆ
Հարցազրույցն ամբողջությամբ կարող եք կարդալ «Իրատես de facto» թերթի այսօրվա համարում
