Ինչպես տեղեկացրել ենք, բանակի խնդիրներով զբաղվող մեկ տասնյակից ավելի փորձագետներ, իրավաբաններ և լրագրողներ բանակային մահացությունները նվազեցնելու, բարեփոխումներ կատարելու նպատակով առաջարկությունների փաթեթ են ներկայացրել ՊՆ-ին, ԱԺ-ին: Նկատենք, որ առաջարկ ներկայացնողների մեջ է նաև ԱԺ պատգամավոր Հրանտ Բագրատյանը: Փաթեթը բաղկացած է 36 կետից, և դրանցից մեկը վերաբերում է աղջիկներին 6-12-ամսյա ժամկետով բանակ զորակոչելուն:
«Աղջիկներին բանակ զորակոչելու գաղափարն արդեն 5 տարի է` պտտվում է տարբեր հասարակական խմբերում, գաղափարներում, բանավեճերում և այլն և այլն, և վիճելի է մնում: Մարդիկ կան ասում են` դա ի՞նչ կապ ունի բանակում առկա խնդիրների հետ: Մարդիկ ասում են` այս խնդիրները դրանով չեն լուծվում, մասնագետների մի մասն էլ ասում է, որ դա կարող է լրջորեն փոխել իրադրությունը հենց բանակի ներսում: Երկրներ կան, որտեղ աղջիկը քանի դեռ ամուսնացած չէ, պիտի ծառայի, իրենց կարգերն են, երկրի վիճակն է, թշնամին է…Իսրայելի մասին է խոսքը , օրինակի համար զենքը միշտ պիտի լինի Իսրայելում. արձակուրդ ես գնում, ազատ ես ստանում, կինոթատրոն ես հաճախում, զենքը հետդ պիտի լինի, ուրիշ ձև չկա, օրենքով է այդպես: Սրանք հայեցակարգային են, խորությամբ մտածել է պետք»,- ասաց Գյումրու ժուռնալիստների «Ասպարեզ» ակումբի նախագահ Լևոն Բարսեղյանը՝ բարեփոխումների այս կետը ներկայացնելիս:
Գյումրու զինկոմիսար պարոն Խաչատրյանն էլ ասաց, որ Հայաստանում արդեն 46 աղջիկ ծառայում է բանակում, և ցանկացած մեկը, որը ցանկություն ունի կարող է ծառայել: Այս քննարկմանը ներկա աղջիկներից մեկը պաշտոնյային հիշեցրեց, որ ըստ բանակային բարեփոխումների փաթեթի՝ խոսք է գնում աղջիկների պարտադիր ծառայության մասին:
Ըստ Լևոն Բարսեղյանի, սա հեղափոխություն կենթարկի բանակային համակարգը: Կանանց ու աղջիկների ներկայությունը զորմասերում կարող է տրամադրություն փոխել, հոգեբանական ազդեցություն ունենալ, որոշ դեպքեր կանխել:
Կարդացեք նաև
Մանրամասները` տեսանյութում:
Նունե ԱՐԵՎՇԱՏՅԱՆ
Այ, դուրս եկավ:Մի զորամաս ազջիկ տվեք, դարձնեմ դիպուկահար, Նադյաից ուժեղ:Հաճույքի համար կանեմ ու Նադյաի ինադու:Մի 15 տարի ուշացրել եք, իհարկե, ազգային ռազմավարական հեռածրագրի հետ է ուշացվել, բայց թեկուզ ուշացումով, լավ ծրագիր է, որ կաշխատի անսերժ Հայաստանի պարագայում:Եթե առյուծ ունեք, էգ ու որձը ո*րն է: Գրազով էս պետության մեջ լյուբոյի հետ կրակեմ, հարյուրից մեկը գուցե վրիպեմ:Նադյան 18 ն է վրիպում, էն էլ Ջողազի ուղղությամբ:Հայուհիներ, դուք եք ձեր ազգի հերոսուհիները, կեցցեք դուք: