Այսօր «Հենարան» մամուլի ակումբում վերլուծելով եռյակի շարժումը, «Նոր ժամանակներ» կուսակցության նախագահ Արամ Կարապետյանն ուշադրություն հրավիրեց այն հանգամանքի վրա, որ շարժման ամենաակտիվ փուլը սկսվեց այն ժամանակ, երբ սկսվեց AFK սիստեմայի քանդվելը: «Բաշնեֆտն» արդեն ձեռքներից վերցրեցին, բայց այդտեղ չեն կանգնելու, հիմնարկի կապիտալիզացիան երեք անգամ ընկել է`12 միլիարդից իջել է 4 միլիարդի: Երեք անկախ տնօրենների, որոնք դրսում են, որոնցից մեկն էլ Ռոբերտ Քոչարյանն է, նկատմամբ շուտով միջազգային քրեական հետախուզում կսկսվի, նրանց հարցաքննությունների են կանչում: Քոչարյանին կանչե՞լ են, թե՞ ոչ, չգիտեմ»:
Արամ Կարապետյանն այս կարծիքին է, որ մեծ հնարավորություններ կան, որ Ռոբերտ Քոչարյանը շատ շուտով կարող է դառնալ ամենաերիտասարդ թոշակառուն: «Մյուս կողմից էլ՝ քանդվում է այն միֆը, որ Քոչարյանը Հայաստանում Պուտինին էր ներկայացնում: Նաեւ վատթարանում է ՌԴ-ի վիճակը`թուլացնելով կրեմլյան համակարգի որոշակի հատվածներ: Եթե այս ամենը քանդվում է, Քոչարյանին մնում է եռյակի որոշակի ուժեր, որոնք իր քաղաքական հովանու ներքո են, ակտիվացումով հայաստանյան գործընթացներում դերակատարում ունենալ»,- ասաց Արամ Կարապետյանը:
Թե ինչո՞ւ են շտապում Լեւոն Տեր-Պետրոսյանը եւ Գագիկ Ծառուկյանը` տեսանյութում
Կարդացեք նաև
Նելլի ԳՐԻԳՈՐՅԱՆ
