Խորհրդարանը քննարկեց ՀՀ նախագահի ներկայացրած ՀՀ և ՌԴ կառավարությունների միջև զինվորական սուրհանդակափոստային կապի ոլորտում համաձայնագրի մասին պայմանագիրը վավերացնելու հարցը:
Զեկույցով հանդես եկավ ՀՀ պաշտպանության փոխնախարար Արա Նազարյանը:
ՀԱԿ խմբակցության պատգամավոր Գագիկ Ջհանգիրյանը հետաքրքրվեց ի՞նչ իրավական կարգավորում ունի այդ զինվորական կապը և որո՞նք են նոր համաձայնագրի առանձնահատկությունները. «Առանձնահատկությունն այն է, որ այս փաստաթուղթը հնարավորություն է տալիս մեր սուրհանդակներին անարգել կերպով անցնել ՌԴ մաքսային սահմանը, ինչը նախկինում կանոնակարգված չէր»:
Տաթև ՀԱՐՈՒԹՅՈՒՆՅԱՆ
