Ավետիսյանների քառասունքին նրանց հարգանքի տուրք մատուցելու եկած գյումրեցիները իրենց զայրույթն ու դժգոհությունն էին հայտնում թե՛ անգործության մատնված հայրենի իշխանությունների, եւ թե՛ իրավապահների հանդեպ՝ վստահեցնելով, որ շուտով Գյումրի նորից ոտքի կկանգնի:
Aravot.am-ի հետ զրույցում Գյումրու ավագանու նախկին անդամ Հրաչ Մելքոնյանն ասաց, որ ժողովրդին խաբում են անգամ ՌԴ դատախազին նամակ գրելու հարցում: Վերջինս վստահ է, որ Գյումրին ոտքի կկանգնի ու նորից կսկսվեն հանրահավաքները, քանի որ յուրաքանչյուր գյումրեցի պարզաբանում է պահանջում:
«Եվրոպական երկրներում մեկի քթից արյուն է գալիս, ամբողջ աշխարհը կանգնում է, Ֆրանսիայում 12 մարդ մահացավ, բայց 40 երկրների նախագահներ ու արտաքին գործերի նախարարներ մասնակցեցին թաղմանը: Իսկ մեզ մոտ նույնիսկ Հայաստանի Հանրապետության նախագահը ցավակցություն չհայտնեց, սուգ չհայտարարեց: Սա ավելի վատ ոճրագործություն էր, քան եղավ Ֆրանսիայում: ՀՀ իշխանությունները, դատախազը ողջամիտ քայլեր չեն անում, իսկ եթե ցանկություն լինի, արագ կբացահայտեն»,- ասաց մեր զրուցակիցը:
«Շիրակ» գերեզմանատանը Ջաջուռից եկած մի ակտիվիստ սկսեց ամոթանքներ հնչեցնել իշխանությունների եւ իրավապահների հասցեին՝ հարցնելով՝ մինչեւ ե՞րբ ենք հանդուրժելու ռուսների դաժանությունները:
Կարդացեք նաև
Նշենք, որ բողոքի ծայրահեղ միջոցների դիմելու մասին այսօր հայտարարեցին նաեւ Ավետիսյաների հարազատները. նրանք պատրաստվում են շրջափակել 102-րդ ռազմաբազան, հացադուլ ու նստացույց անել Սերժ Սարգսյանի նստավայրի մոտ:
Մանրամասները տեսանյութում.
Նունե ԱՐԵՎՇԱՏՅԱՆ
Նախ՝ ընդհանրապես վե՛րջ պիտի տալ նամակներ գրել Ռուսաստանի որևի պաշտոնյայի: Հայաստանը (գոնե de jure) անկա՛խ երկիր է՝ ի՛ր օրենքներով. ուստի ԲՈԼՈՐ հարցերով պիտի դիմել միայն ՀՀ համապատասխան մարմիններին ու իրենցից պահանջել այս կամ այն:
Երկրորդ՝ ՀՀ իշխանավորները օր ու գիշեր հոխորտում են Ադրբեջանի ու «խելագար» Ալիևի դեմ. դա իրենց համար ապահով է: Բայց «բարեկամ» ռուսի դեմ ԴՈՒԽ ՉՈՒՆԵՆ (իրե՛նց աթոռների համար ապահով չէ). նույնիսկ երբ ռուսական բազայի հատուկ զինված մի ԽՈՒՄԲ մորթում է մի ամբողջ հայ ընտանիք՝ Եղեռնի 100-ամյակի նախաշեմին. ու «դաշնակից» ռուսը՝ ԿՈՊԻՏ խախտելով երկկողմանի պայմանագիրը և ՀՀ օրենքը, արհամարհում է ամբողջ հայ ազգին ու ոճրագործ(ներ)ին ապօրինաբար թաքցնում:
Որտե՞ղ է ՀՀ ԱԳ նախարարի բողոքի նոտան Ռուսաստանին՝ երկկողմանի միջազգային պայմանագիրը խախտելու համար:
Ի՞նչու ՀՀ գլխավոր դատախազը դեռ պաշտոնին է:
Միանշանակ ճի՛շտ եք
Որովհետև դեռ ՀՀ «նախագահ»-ն է իր պաշտոնին: