Այս պահին Հ.Յ.Դ. Հայաստանի Երիտասարդական և «Նիկոլ Աղբալյան» ուսանողական միությունները Հայոց ցեղասպանության 100-ամյակի տարելիցի ծրագրերի շրջանակում՝ Հայաստանում Գերմանիայի Դաշնային Հանրապետության դեսպանատան մոտ՝ Չարենց փողոցի վրա անցկացնում են երիտասարդական-ուսանողական ցույց։ Երիտասարդները Գերմանիայի դեսպանին ցանկանում են հանձնել իրենց նամակ պահանջագիրը:
Սակայն դեսպանը ցույցի ընթացքում այդպես էլ դուրս չեկավ դեսպանատնից հանդիպելու երիտասարդներին և ստանալու նամակը: Եկավ միայն դեսպանատան անվտանգության աշխատակիցը և փոխանցեց, որ դեսպանը չի կարող ներկայանալ: Երիտասարդները պահանջեցին, որ ներկայանա արտաքին հաղորդակցության ներկայացուցիչը: Սակայն այդպես էլ որևէ ներկայացուցիչր դուրս չեկավ: Երիտասարդները վրդովված դժգոհում էին, թե սա չի համապատասխանում ոչ բարոյական ոչ էլ դիվանագիտական ընդունված նորմերին:
Նշենք, որ այսօր ՀՅԴ երիտասարդական և ուսանողական միությունները կազմակերպելու են ցույցեր՝ աշխարհի տարբեր երկրներում գտնվող Գերմանիայի Դաշնային Հանրապետության դեսպանատների առջև: Ցույցերի ընթացքում Գերմանիայի Դաշնային Հանրապետության դեսպանատներին հանձնվելու են նույնաբովանդակ տեքստով պահանջագրեր:
Կարդացեք նաև
Տաթև ՀԱՐՈՒԹՅՈՒՆՅԱՆ
Հ. Գ. Հայտնենք, որ ցույցի ավարտից հետո դեսպանը իջավ ներքեւ ու պատասխանեց «Առավոտի» հարցերին: Կարդացեք ավելի ուշ
Հետաքրքիր է՝ ինչի՞ համար են «կուրծք պատռում» (թէեւ կռահում եմ):
Երկերեսանիութիւնը դաշնակների մօտ լաւ է ստացւում: Բայց դա դրական յատկանիշ է քաղաքականութեամբ զբաղուելու համար: