Հայազգի Քիմ Քարդաշյանը «Live! With Kelly & Michael» հաղորդման ընթացքում խոսել է Հայաստան այցի մասին: Հիշեցնենք, որ ապրիլի 8-ից 13-ը Քիմ Քարդաշյանը, ամուսնու՝ ռեփ երգիչ Քանյե Ուեսթի, քրոջ՝ Քլոե Քարդաշյանի եւ աղջկա՝ Նորթ Ուսեթի հետ գտնվում էր Հայաստանում:
Քիմ Քարդաշյանը, մասնավորապես, ասել է, որ այցելությունը խորը ազդեցություն է ունեցել իր վրա: «Դա իմ ժառանգությունն է: Իմ ծնողները երբեք չեն եղել այնտեղ, իմ մեծ ծնողները նույնպես. նրանք այդ մասին իմ ամբողջ կյանքի ընթացքում խոսել են»:
Նա նշել է, թե փաստն այն է, որ իրենք կարողացան գնալ, որոշ հայերեն բառեր սովորել, հայկական ուտելիք ուտել. «Ես երբեք ինձ այդչափ տանը չէի զգացել»:
Անդրադառնալով մեկնելուց առաջ, ապրիլի 13-ի գիշերը Կարապի լճի մոտ ամուսնու՝ Քանյե Ուեսթի համերգին՝ Քարդաշյանը նշել է, որ դա վերջին րոպեին կայացված որոշում էր: «Մենք զարմացել էինք, որ ավելի քան 5.000 հոգի հավաքվեցին Կարապի լճում»:
Կարդացեք նաև
Մանրամասները՝ տեսանյութում
https://www.youtube.com/watch?v=GT3KMalt8Bk
Պատրաստեց Աշոտ ԻՍՐԱԵԼՅԱՆԸ
