Բաղրամյան պողոտայում կրքերը շարունակում են թեժ մնալ, տրամադրությունն էլ մարտական: Շարունակվում է «Ոչ թալանին» նախաձեռնության նստացույցը՝ ընդդեմ հոսանքի սակագնի թանկացման: Ցուցարարները վանկարկում են «Բաղրամյան», սուլոցներ ու վանկարկումների ակտիվացում նկատվեց այն ժամանակ, երբ քաղաքապետարանը անջատեց փողոցային լույսերը:
Ցուցարարների շրջանում լայն քննարկման է դրված կառավարության այն հայտարարությունը, թե հնարավոր չէ վերանայել կայացված որոշումը:
Նշենք, որ ցուցարարները գոչում են` «հաղթելու ենք», «մենք ենք տերը մեր երկրի», «կասեցում»:
Պարեցին վալս ու քոչարի: Ցուցարարների հետ են ՀՀ ԱԺ պատգամավորները: ՀՀ ԱԺ ՕԵԿ խմբակցության ղեկավար Հեղինե Բիշարյանը, անդրադառնալով Հովիկ Աբրահամյանի՝ կասեցման որոշումը չեղյալ հայտարարելու անհնարինության մասին հայտարարությանն, ասաց. «Այս հարցը ավելի շատ քաղաքական որոշման կարիք ունի: Միջանկյալ որոշում, որ կայացվեց, անընդունելի է, որ կոմպենսացվի 105 հազար և ավելի ընտանիքներին: Թանկացումները չեն անդրադառնալու միայն այդ ընտանիքներին, նաև 2000 դրամով չեն անդրադառնալու այդ թանկացումները, այլև ավելի: Հաշվի պետք է նստել քաղաքացիների հետ»:
Կարդացեք նաև
ՀՀ ԱԺ պատգամավոր Խաչատուր Քոքոբելյանը հայտարարեց, թե դժգոհ է ազգաբնակչության 99.9 տոկոսը, ուստի այս շարժումը հնարավոր չէ զսպել. «Չկա որևէ որոշում, որը վերանայել հնարավոր չէ: Սա Սահմանադրության առաջին հոդվածը չէ: Կարելի է նոր սեփականատեր գործընկեր գտնել, որ ներդրումներ կանի ու կառողջացնի այդ հիվանդ օրգանիզմը: Այն պայմաններում, որ գտնվում է ՀՀ-ն, հոսանքի թանկացումը կարող է բերել շոկային վիճակի: Հնարավոր չէ զսպել այս բողոքի ալիքը, 99.9 տոկոսը դժգոհ է հոսանքի թանկացումից»:ՀՀ ԱԺ «Ժառանգություն» խմբակցության ղեկավար Ռուբեն Հակոբյանն էլ համարում է, որ վարչապետի հայտարարությունը վերջնական չէ:
Տաթև ՀԱՐՈՒԹՅՈՒՆՅԱՆ
Այս “քաղաքական գործչին” վաղուց եմ ճանաչում, դերևս ուսանողական տարիներից: Աստված չանի սրա նմանները գան իշխանության. բավական է միայն հիշել թէ ինչպես Րաֆֆի Հովհաննիսյանին քցեց: