Հուլիսի 1-ին Տավուշի մարզպետ Հովիկ Աբովյանը որոշել է մարզպետարանի աշխատակազմի առողջապահության եւ սոցիալական ապահովության վարչության պետի պաշտոնից ազատել Կարինե Դովլաթբեկյանին: Մարզպետի որոշման համար հիմք է հանդիսացել աշխատանքից ազատվելու վերաբերյալ Կ. Դովլաթբեկյանի դիմումը:
Հուլիսի 29-ին մարզպետ Հ. Աբովյանը որոշել է մինչեւ մրցույթի արդյունքում հաղթող մասնակցի կողմից Տավուշի մարզպետարանի աշխատակազմի առողջապահության եւ սոցիալական ապահովության վարչության պետի թափուր պաշտոնը զբաղեցնելը այդ վարչության պետի պարտականությունները դնել նույն վարչության գլխավոր մասնագետ Նարինե Ճաղարյանի վրա:
59-ամյաԿարինե Դովլաթբեկյանը Տավուշի մարզպետարանի աշխատակազմի առողջապահության եւ սոցիալական ապահովության վարչության պետի պաշտոնը զբաղեցրել է 1998 թվականի մայիսից:
Ոսկան ՍԱՐԳՍՅԱՆ
